Ilir Shaqiri ka bërë një analizë mbrëmjen e sotme në Post Big Brother VIP lidhur me fitoren e tij. Gjendur përballë ish banorëve të tjerë të shtëpisë së famshme, Iliri tha se Donaldin e kanë preferuar më shumë të rinjtë ndërsa atë e kanë pëlqyer njerëz familjarë dhe artistë.
“Nga analiza që i kam bërë vetes dhe publiku që ka gjetur te vetja ime. Donaldi ka pasur mbështetës kryesisht të rinj ndërsa nga ana tjetër çfarë kanë qenë familjarë, artistë dhe njerëz të një lloj kulture nuk kishte si të mos preferonin Ilirin. Me Donaldin, përveç javës së fundit që kemi gjetur mirëkuptimin në të folur dhe sjellje sepse koha dhe ambienti krijojnë dhe transformojnë njerëzit në të gjitha dimensioned”.
Nga ana tjetër, balerini u shpreh se në finale ka arritur të vërtëtojë atë që kishte menduar gjatë qëndrimit në shtëpi dhe e ka shijuar rivalitetin me Donaldin.
“Gjëja që më dha qetësi në natën finale është se ti arrin të vërtetosh atë gjë që ke parashikuar. Rivalitetin me Donaldin e kam parë dhe e kam dashur që në fillim. Gjëja më speciale ishte se ishim shumë të qetë dhe e shijuam atë që ishte bota e surprizave”.
Mes të tjerash, ai thumboi Donaldin duke thënë se pas shpalljes së fituesit i ka thënë se “e ndjeva që do të fitoje dhe se e meritove”. Kjo deklaratë vjen pasi Donaldi nuk mori pjesë në xhirimet e Post Big Brother VIP.
Kujtojmë se u përfol se aktori i humorit s’e ka pritur mirë fituesin e edicionit ose ndoshta ka hedhur dyshime mbi fituesin.
Discussion about this post