Deputeti i Partisë Socialiste, Alqi Bllako është larguar nga Komisioni Hetimor për Inceneratorët dhe nuk ka dhënë dëshminë e tij, me argumentin se duhet të ruaj sekretin hetimor pasi është marrë në pyetje nga SPAK. Deputeti socialist kërkoi që të jepte vetëm një deklaratë në lidhje me konfliktin e interesit të punësimit të babait të tij në inceneratorin e Tiranës, gjë që nuk u pranua nga kryetarja Jorida Tabaku, e cila deklaroi se në komision merret në pyetje personi dhe nuk mund ta shfrytëzojë për deklarata.
Pjesë nga diskutimet:
Alqi Bllako: Zonja Tabaku sapo përmendët konfliktin e rëndë të interesit meqë e përmendët. Më keni akuzuar me pa të drejtë për konflikt interesi dhe unë e bëra të qartë që do firmos deklaratën, por po më latë mund të bëj dhe një deklaratë në lidhje me këtë gjë.
Jorida Tabaku: Deklaratë këtu nuk mund të bëni, duhet t’i përgjigjeni pyetjeve!
Dhurta Çupi: Jeni ju i bindur që nuk përbën sekret hetimor sqarimi për konfliktin e interesit?
Alqi Bllako: Do të doja të më jepni 3 minuta kohë për të folur për konfliktin e interesit
Unë jam sot i angazhuar në politikë dhe kur u angazhova e mora parasysh baltën që mund të hidhej ndaj meje, por familja ime nuk e ka borxh të përbaltet në këtë mënyrë. Është përmendur disa herë në këtë komision. Megjithatë është në diskrecionin tuaj për ta vendosur, ka dhe medium të tjera për ta bërë këtë gjë.
Jorida Tabaku: Zoti Bllako nëse doni mund t’ju bëj disa pyetje, deklaratë nuk bëni dot këtu!
Alqi Bllako: Atëherë unë po largohem.
Discussion about this post