Këngëtari i mirënjohur shkodran, Bujar Qamili, i është rikthyer dhe njëherë këngës që ka realizuar me moderatoren Luana Vjollca, para 3 viteve, “Mi dhe flakë mallit tim”. Në atë kohë, Luana ishte më shumë e fokusuar te moderimi dhe nuk ishte bërë pjesë e tregut muzikor. Kjo ka bërë që edhe Bujari, i cili njihet si “bylbyli i Shkodrës” të marr shumë komente.
Ditën e sotme, i ftuar në “ABC e Mëngjesit”, ai u shpreh se edhe nëse do t’i jepej sërish mundësia do ta pranonte Luanën, pasi ajo është e veçantë.
“Në rastin tim, ajo këngën e ka bërë për qejf. Kush është ai që nuk e pranon Luanën. Edhe po të mos ishte kjo që është, unë këngën do ta kisha bërë. Kënga është bërë për qejf, Luana këngën nuk e ka bërë për tu bërë këngëtare, po për ta pasur për vete, ta dëgjonte në makinë, e ka bërë për qejf. Edhe unë do ta bëja sërish këngën se është Luana në mes”, tha Bujari.
Disa ditë më parë, Qamili u vlerësua nga Presidenti Ilir Meta me Dekoratën e lartë “Nderi i Kombit”. Artisti rrëfeu emocionet e momentit kur ia thanë lajmin deri te çasti kur kishte shkuar te Presidenca.
“Kur më morën në telefon dhe më thanë që Presidenti i Republikës ka firmosur dekretin që ti je ‘Nderi i kombit’, ishte një shtyllë aty afër dhe u mbajta. Thash arrita më në fund atë që kisha dasht vërtetë në karrierë.
Mu bë qejfi jashtëzakonisht shumë. Thosha kur shkoja rrugës se mos i del ndonjë punë më e madhe presidentit dhe më lë mua. Një pritje e jashtëzakonshme, që në momentin që kam hyrë në derë, një emocion shumë i madh. Është vlera më e madhe që kam marrë, një artist nuk ka ku shkon më lart se sa këtu.
Derisa të kem frymë, të kem za do jap shpirtin tim për këngën. Ajo që do të më ndaj nga kënga është vetëm sëmundja, që mundet me më pengu me dal me këndu”, u shpreh Bujari.
Discussion about this post