Nga Ergys Mërtiri
Një kronike lajmesh ngrinte shqetësimin se studentet e mësuesisë janë në nivel të dobët çfarë është një lajm i keq mbi të ardhmen e arsimit. Pedagogët sugjeronin përmirësimin e kurrikulës në gjimnaze si një mjet për të përmirësuar gjendjen. Në fakt, studentët janë dobët, pikë së pari se shkolla ka degjeneruar, sepse mësuesit janë të dobët, sepse stimujt për nxënësit nuk ekzistojnë, sepse notat nuk jepen me meritë dhe ndodh shpesh që vetë mësuesit iu tregojnë nxënësve në provime, etj.
Por që gjërat të përmirësohen disi, duhet pikë së pari që rrogat e mësuesve të jenë mira, në mënyrë që mësuesia si degë të bëhet më atraktive nisur nga perspektiva e tregut të punës. Por mbi të gjitha, duhet që politika të heqë dorë nga përdorimi i arsimit si tepsi për të shpërblyer patronazhistët. Kur stafet pedagogjoke mbushen me mësues e drejtorë shkollash rilindas, të rekrutuar për t’i shërbyer partisë e jo shkollës, natyrisht që arsimi do jetë për faqe të zezë.
Jo vetëm arsimi, por e gjithë administrata, përfshi këtu edhe vetë politika do të ishte ndryshe, nëse do gjendej mekanizmi i ndalimit të kësaj tregtie me vendet e punës në shtet. Nëse ky fenomen do eliminohej, edhe administrata do ishte më profesionale, por edhe politika do çlirohej nga militantet agresive në lufte për një vend pune.
Për sa kohë Edi Rama e nisi qeverisjen me propozimin për të ndryshuar statusin e nënpunësit civil, duke shkarkuar shtetin nga detyrimi për të dëmshpërblyer ata qe hiqen nga puna pa të drejtë, natyrisht që ky mentalitet do prodhojë këtë realitet.
Discussion about this post