Ajo që paralajmërohej prej javësh nga Perëndimi ndodhi! Vladimir Putin nisi sulmet ushtarake ndaj Ukrainës në orët e para të mëngjesit të sotëm. Në rrugët e Kievit këtë mëngjes është qetësi dhe vihet re më shumë personel ushtarak sesa mund të shihej dikur.
Një turist i tha mediave të huaja se bujtina ku po qëndronte e kishte nxjerrë jashtë pasi sirenat e sulmit ajror dhe paralajmërimet u dëgjuan nga qeveria këtu, shkruan BBC.
Nuk është i vetmi me valixhe në rrugë, pasi të shumtë ishin njerëzit që thanë se nuk dinin çfarë të bënin. Të tjerë thanë se kishin humbur lidhjen në celularët e tyre. Ka raportime për radhë nëpër supermarkete dhe njerëz që tërheqin para në bankomat.
Në media qarkullojnë pamje të radhës kilometrike të automjeteve që largohen nga vendi i tyre. Shumë njerëz në Kiev kanë nxituar në stacionet e metrosë për t’u strehuar. Të tjerë kanë hipur në autobusë për t’u larguar nga qyteti dhe ka radhë makinash që përpiqen të dalin.
Discussion about this post