Banorët e “5 Majit” po protestojnë para Kuvendit, ku përveç të drejtën për pronën e tyre kërkojnë dhe lirimin e personave që u arrestuan me 22 shkurt për shkak se kundërshtuan policinë. Një prej banoreve i ka bërë thirrje Lindita Nikollës që të dalë dhe të bisedojë me të, pasi kanë arrestuar pa të drejtë familjarët e saj.
Mes dhimbjes ajo i ka kërkuar që të dalë jashtë pasi ata nuk ushtrojnë dhunë, madje tha se deputete kalojnë me komshillëk para syve të tyre dhe i injorojnë si njerëz pa shpirt dhe pa gjakë.
“E nderuar zonja, kryeparlamentare. Ta them për të dytë. E nderuara Lindita dil dhe më tako 30 sekonda. Do të të vrasin fjalët. Ju jeni gra deputete, jeni psikologe dhe tundeni dhe shkundeni. Dilni këtu se nuk ju bëjmë gjë, jemi fetarë. Por, zëri i fëmijëve shkon larg dhe ne s’na ka mbetur asgjë. Dinjieti ka mbetur. Zëri i fëmijëve po shkon larg dhe këndojmë këngën e Sherif Merdanit Ku ishe ti o zot?
Është tepër e trishtueshme ku do ti çoni këta njerëz? A keni zemër, a keni gjak? Si nuk iu vrasin sytë kullat? I mbaruat kullat do bëni vila në periferi. Zoti ka ç’iu bëj, ne jo, jemi fetar”, tha ajo. Me 22 shkurt në zonën e “5 Majit” u shembën me dhjetëra shtëpitë, ndërsa është paralajmëruar që deri në fund do të prishen 700 banesa në total.
Discussion about this post