Ish-kryeministri Sali Berisha është përplasur me ministrin e Drejtësisë, Ulsi Manja, drejtues politik i PS-së për qarkut të Dibrës në lidhje me projektin për ndërtimin e HEC-it të Skavicës.
Nga foltorja e Kuvendit, Berisha tha se Manja do të përmbysë Dibrën dhe e ftoi në një debat publik, në të kundërt i kërkoi të hiqte dorë nga projekti për Skavicën.
“Dha urdhrin për përmbytjen e Peshkopisë. Ulsi Manja po tenton t’i bëjë Dibrës atë që si ka bërë asnjë. Të ftoj të vish në debat publik me mua, të shpengoj qëndrimet rreth Sakavicës. Merr po deshe kë të duash. Kam thënë dhe them: Skavica, duhet të ndërtohet varianti i vogël, por ai që nuk përmbyt asnjë shtëpi. Si mund të bësh një akt të tillë ndaj Dibrës. Zotëri, në ta mban, urdhëro nesër në Fushë-Aliaj që ti ke planifikuar ta fusësh në ujë dhe shpjegoju atyre banorëve se si ka mundësi që ti të mbështesësh atë projekt të vish të jemi të dy bashkë. Sa i përket rrugës së Arbrit, ai është projekt i Sali Berishës. Ju keni 11 vite që nuk po mbaroni dot 27 km. Hajde nesër dhe përballur, ose deklaro se do të heqësh dorë nga Skavica”, tha Berisha.
Discussion about this post