Bombardimet ruse mbi Ukrainën duket se po sjellin trazira në të gjithë botën. Në këto kushte, ditën e sotme Shtetet anëtare të NATO-s, Polonia dhe vendet baltike Estonia, Letonia dhe Lituania kanë aktivizuar Nenin 4 të Traktatit të NATO-s për të nisur konsultimet brenda aleancës mbi sulmin e Rusisë ndaj Ukrainës.
Palët do të këshillohen bashkërisht kurdoherë që, sipas mendimit të cilësdo prej tyre, kërcënohet integriteti territorial, pavarësia politike apo siguria e cilësdo prej Palëve”, thotë neni 4 i Traktatit të Atlantikut të Veriut.
Neni 4 mund të çojë në veprim kolektiv midis 30 vendeve anëtare. Sipas të dhënave publike, neni 4 është përdorur gjashtë herë më parë që nga formimi i aleancës në vitin 1949, së fundmi nga Turqia në shkurt 2020 pasi dhjetëra ushtarë turq u vranë nga një sulm nga forcat qeveritare siriane në zonat e kontrolluara nga opozita në Sirinë veriore.
Turqia ka përdorur nenin 4 në katër raste të tjera: një herë në 2015 për të informuar aleancën për reagimin e saj ndaj sulmeve terroriste në vend; dy herë në vitin 2012 pasi një avion luftarak turk u rrëzua në veri të Sirisë dhe pasi civilët turq u vranë nga granatimet siriane; dhe në vitin 2003 kur kërkoi ndihmë nga aleanca për të mbrojtur popullsinë e saj nga çdo përhapje e luftës në Irakun fqinj.
Discussion about this post