Sekretarja e OSBE Helga Maria Schmid ka bërë me dije evakuimin e përkohshëm të stafit të nga Ukraina për shkak të situatës. Me anë të një deklarate, Helga Maria Schmid u shpreh se OSBE-ja krijoi menjëherë Misionin Special të Monitorimit (SMM) në vitin 2014 dhe burrat dhe gratë e përkushtuara të këtij misioni kanë qenë sytë dhe veshët tanë të paanshëm në terren në të gjithë vendin.
“Për shkak të luftimeve të vazhdueshme dhe situatës së përkeqësuar të sigurisë në Ukrainë, në koordinim me Kryesuesin në detyrë, kam vendosur të evakuoj përkohësisht të gjithë anëtarët e misionit ndërkombëtar nga Ukraina sa më shpejt të jetë e mundur. Përkushtimi dhe guximi i stafit të OSBE-së është i lavdërueshëm. OSBE-ja krijoi menjëherë Misionin Special të Monitorimit (SMM) në vitin 2014 dhe burrat dhe gratë e përkushtuara të këtij misioni kanë qenë sytë dhe veshët tanë të paanshëm në terren në të gjithë vendin. Koordinatori ynë i projektit në Ukrainë ka punuar me zell që nga viti 1999 për të ndihmuar Ukrainën të rrisë sigurinë e saj dhe të zhvillojë legjislacionin, institucionet dhe praktikat e saj në përputhje me standardet demokratike” – tha Schmid
Ajo më tej ka thënë se evakuimi i stafit të OSBE-së do të kryhet sa më shpejt që të jetë e mundur dhe e realizueshme në varësi të faktorëve përkatës në terren. Ky vendim nuk është marrë lehtë dhe zhvendosja është menduar të jetë e përkohshme.
“Ne kemi një trashëgimi me të cilën duhet të krenohemi në vend. Mezi presim të rifillojmë misionet tona kur ta lejojnë rrethanat.Evakuimi i stafit tonë do të kryhet sa më shpejt që të jetë e mundur dhe e realizueshme në varësi të faktorëve përkatës në terren. Ky vendim nuk është marrë lehtë dhe zhvendosja është menduar të jetë e përkohshme. Siguria e grave dhe burrave të përkushtuar që shërbejnë si sy dhe veshë të paanshëm të komunitetit ndërkombëtar në terren në të gjithë vendin është e domosdoshme” – u shpreh Helga Maria Schmid.
Discussion about this post