Një aeroplan ushtarak transportues rus është rrëzuar afër kufirit me Ukrainës. Kështu ka bërë të ditur ushtria ruse në një komunikatë, raporton CNN.
Avioni Antonov-26 është rrëzuar në rajonin Voronezh, afër Ukrainës, duke transportuar pajisje ushtarake. Sipas njoftimit, ekuipazhi i aeroplanit ka vdekur duke mos sqaruar se për sa persona bëhet fjalë, ndërsa po sipas Rusisë, rrëzimi ndodhi për shkak të problemeve në pajisje.
Në qytetin lindor të Ukrainës, Chuguiv, një djalë qante mbi trupin e babait të tij mes rrënojave të një sulmi rakete në një lagje banimi. “I thashë të largohej”, thoshte burri vazhdimisht me ngashërim, pranë rrënojave të një makine.
Ministria ruse e Mbrojtjes ka pohuar se nuk ka në shënjestër qytete apo civilë dhe në një përpjekje të deformuar për të siguruar ukrainasit thanë se nuk kishte ‘asnjë kërcënim për popullatën’ sepse forcat e Moskës po përdorin armë precize.
Discussion about this post