Në kuadrin e Zëvendëspresidentes së Asamblesë Parlamentare të NATO-s, Mimi Kodheli, ka dalë sot në një deklaratë për shtyp, sa i përket tensioneve në Ukrainë. Kodheli ka dënuar ashpër agresionin rus në Ukrainë. Ajo deklaroi se situata në Ukrainë po përshkallëzohet nga momenti në moment duke shtuar numrin e viktimave. Duke kërkuar që Rusia të mbajë përgjegjësi për aktet e kryera, Kodheli shtoi se kjo që po ndodh është mënyrë e të treguarit se kush është më i forti.
“Shqipëri dënon në termat më të ashpër sulmin e Rusisë ndaj Ukrainës dhe qeverinë e Bjellorusisë për mundësimin e këtij sulmi. Shqipëria mbështet pa asnjë ekuivok sovranitetin dhe integritetin territorial te Ukrainës. Me aleatët tanë qëndrojmë përkrah popullit të Ukrainës dhe presidentit të saj legjitim të dalë nga zgjedhjet demokratike, parlamentit e qeverisë së Ukrainës. Duan ti imponojnë botës se ‘ forti ka të drejtë’. Situata po përshkallëzohet nga momenti në moment. Kjo është shkelje flagrante e Rusisë. I bëjmë thirrje Rusisë që të tërhiqet. Shqipëria si anëtare e OKB e ka ngritur zërin”, u shpreh ajo. Kujtojmë se më vonë qeveria shqiptare do të dalë në një konferencë të jashtëzakonshme ku do të tregojë hapat që do ndërmarrë në lidhje me këtë çështje.
Discussion about this post