Shefi i Shërbimit Informativ Sekret të Mbretërisë së Bashkuar, Richard Moore, ka deklaruar ditën e sotme se pushtimi rus i Ukrainës ishte një agresion i planifikuar prej kohësh. “ Ka qenë një planë i mirëmenduar mizor”, shprehet ai.
Më tutje, kreu i MI6, deklaroi se Komunitetet e inteligjencës së SHBA dhe Britanisë së Madhe zbuluan planet e Putinit për Ukrainën dhe tashmë ai nuk mund të fshihet dhe duhet të mbajë përgjegjësi. “Ne ekspozuam përpjekjet e tij për të krijuar ‘flamur të rremë’, sulme të rreme për të justifikuar pushtimin e tij. Ne zbuluam planet e tij për të vrarë liderët dhe zyrtarët e lartë ukrainas. “Ky sulm ishte një agresion i planifikuar prej kohësh, mizor. Asnjë sasi e dezinformatave ruse nuk do ta fshehë këtë fakt nga komuniteti ndërkombëtar.”
Rusia lëshuar më shumë se 160 raketa gjatë sulmit të saj kundër Ukrainës të enjten, ka thënë një zyrtar amerikan i mbrojtjes. Ushtria e Ukrainës raporton se 30,000 – 60,000 trupa ruse janë vendosur në territorin ukrainas. Forcat e armatosura ukrainase kanë thënë gjithashtu se plani pushtues i Rusisë synon të bllokojë kryeqytetin, Kievin dhe të krijojë një korridor tokësor në bregun juglindor të Ukrainës drejt Gadishullit të Krimesë – të cilin Moska e aneksoi nga Ukraina në vitin 2014.
Discussion about this post