Detaje të reja kanë dalë në lidhje me vrasjen e 46-vjeçarit Altin Alikaj në Vlorë, ku tashmë në pranga kanë rënë dy persona, Shazi Ahmetaj 23-vjeç dhe bashkëpunëtori i tij Mateo Kiptiu 30-vjeç. Altin Alikaj është gjetur i vrarë në shtëpinë e tij në lagjen 24 Maji, Vlorë, paraditen e 19 shkurtit 2022.
Është bërë më dije se pista kryesore që ka çuar në kryerjen e krimit, mendohet të jenë prishja e pazareve të drogës, por kjo pritet të konfirmohet nga policia.
Gjithashtu nuk përjashtohet as pista e pasjes së një borxhi si rrjedhojë e lëndëve narkotike. Alikaj kohët e fundit ishte parë të kishte një shumë të konsiderueshme lekësh nëpër duar ç’ka nuk ishte e zakonshme për të.
Mendohet që Aliakaj të ketë pasur një sasi lënde narkotike që e ka shitur dhe me pas nuk ka kthyer borxhin tek Shazu Ahmetaj.
Po të njëjtat burime bëjnë me dije se Shazi Ahmetaj si autor i krimit dhe Altin Alikaj kanë jetuar bashkë kohët e fundit në Vlorë përpara ngjarjes por diçka mesa duket ka shkuar keq mes tyre.
Burimet e policisë së Vlorës bëjnë me dije se një pistë tjetër e hetimit është edhe fakti se mund ta kenë vrarë për ti marr një shumë parash të konsiderueshme që Altin Alikaj kishte në përdorim.
Shazi Ahmetaj duke jetuar prej disa ditësh me Altin Alikaj ka marr vesh që ky person ka pasur një sasi të konsiderueshme lekët të cilat mund t’ia marrë.
Nga ana tjetër, Mateo Kiptiu ka marr makinën me qira për të çuar autorin në Lushnje. Duke dyshuar se mos e kanë ndjekur e ka dorëzuar makinën tre ditë pas ngjarjes
Ahmetaj dyshohet si autor i vrasjes së Aliakajt , i cili u gjet pa shenja jete në banesën e tij, ndërsa Kiptiu dyshohet se ka ndihmuar autorin për t’u fshehur, duke i siguruar një mjet të marrë me qira për lëvizjen e tij.
Discussion about this post