FNSH dhe Policia e Shtetit kanë ushtruar kontrolle pasditen e sotme në Fier dhe Elbasan.
Në Fier, policia ngriti postoblloqe në disa kryqëzime dhe rrugë kryesore të qytetit dhe periferi të tij. Kontrollet janë përqendruar kryesisht në rrethrrotullimin e QTU.
Në Elbasan u ngritën 3 pika postoblloqesh në qytet. Sipas burimeve ky operacion ka nisur që mbrëmjen e djeshme, ku janë kontrolluar dhe shoqëruar disa persona në disa ambiente si lokale, në të cilët policia dyshon që luhen lojëra fati.
Aktualisht ne Elbasan janë stacionuar dy grupe FNSH, ku një grup do të qëndrojë në postobllok dhe grupi tjetër do të patrullojë në qytet i shoqëruar nga Shqiponjat.
Postoblloqet e ngritura ndodhen në Bradashesh dhe tek kthesa e quajtur Kadiu.
Policia e Shtetit dhe FNSH prej disa ditësh kanë nisur një aksion, objektiv i të cilit janë automjeteve luksoze, personat e shpallur në kërkim dhe personat e skeduar më parë nga policia.
Discussion about this post