Qyteti bregdetar jugor i Ukrainës, Berdyansk, është tani nën kontrollin rus. Lajmi konfirmohet nga kreybashkiaku i këtij qyteti i cili ka bërë të ditur se trupat ruse kanë hyrë në qytet rreth orës 15:50 me orën lokale të së dielës dhe u panë duke lëvizur në qendër pak më vonë.
“Ushtarët hynë në bashkinë e qytetit në orën 20:00. Rusët, tha ai, “na informuan se të gjitha ndërtesat administrative ishin nën kontrollin e tyre dhe se ata po kontrollonin ndërtesën e komitetit ekzekutiv. Por nën kontrollin e njerëzve të armatosur, unë e konsideroj këtë propozim të papranueshëm. Kështu ne, si të gjithë anëtarët e shtabit operativ, u larguam nga ndërtesa e komitetit ekzekutiv,” tha ai.
Ndër të tjera, ministria ruse e Mbrojtjes konfirmon se kanë marrë kontrollin e Energodar. Sipas tyre, ushtria ruse ka në kontroll të plotë të zonës përreth termocentralit bërthamor Zaporozhye. Sot priten të zhvillohen bisedimet mes delegacionit rus dhe ukrainas në Bjellorusi, ndonëse mundësitë për paqe mes dy vendeve janë thuajse zero.
Discussion about this post