Sarah Berisha, blogerja dhe ish- banorja e Big Brother Vip që fitoi zemrat e gjithë shqiptarëve, do të jetë prezantuesja e programit të humorit “Kosherja”, duke zëvendësuar Jona Spahiun.
Ky lajm i papritur ka sjellë shumë reagime, ndërkohë që Sarah është shprehur mjaft entuziaste për këtë projekt të saj të ri, teksa nuk e kemi parë më parë si moderatore.
Mirëpo, nga ana tjetër, Jona Spahiu ka vendosur të flasë për herë të parë për largimin e saj nga emisioni. Nëpërmjet një interviste me ndjekësit e saj në “Instagram”, Jona ka zbuluar se pse nuk është më pjesë e emisionit duke thënë se ka plane të tjera në jetë e në biznes.
“Zgjodha mos të jem më pjesë në ‘Koshere’ sepse kam plane të tjera në jete dhe biznes. Ishte përvojë e bukur dhe argëtuese, por kaq! Ky nuk do të ishte emisioni im i jetës. Faleminderit për fjalët e bukura, nuk kam nevojë të jem në TV që t’ju kem në zemër.”- ka rrëfyer ajo.
Ky ishte formati i parë i këtij lloji që asaj ju besua për prezantim dhe Jona ja doli mbanë më së miri. Gjatë spektaklit “Kosherja” ajo provoi veten si aktore në disa skeçe dhe ishte e hapur për role të tjera.
Discussion about this post