Dyshja e shumë komentuar Donald-Beatrix i kanë dhënë fund lidhjes më shpejt nga ç’e prisnim. Ata nuk u panë më afër njeri-tjetrit në asnjë prej organizimeve të Top Channel, dhe kjo u ra në sy të gjithëve.
Fill pas këtyre veprimeve, ndarja u finalizua dhe me heqjen e “follow”-s nga të dy ata në “Instagram”. Por ditën e sotme, Beatrix ka postuar në “story”-n e saj një mesazh për të gjithë ndjekësit e për të gjithë fansat që e kanë mbështetur atë gjatë kësaj periudhe, që besojmë se i referohet ndarjes nga Donaldi. Ajo shkruan se është e bekuar për të gjithë ata që e kanë mbështetur.
“Dashuria dhe mbështetja që kam marrë nga fansat e mi është përtej asaj që kisha imagjinuar. Emocionohem kur mendoj se ka njerëz që interesohen. Kurrë në jetën time nuk e kisha menduar që do përjetoja këtë. Ju jeni njerëzit e mij të preferuar, ju më bëni të lumtur çdo ditë. Fakti që edhe unë mund të bëj njerëz të tjerë të lumtur më emocionon. Unë ju dua të gjithëve ju me zemër, përgjithmonë”.
Kujtojmë se më herët Beatrix i dedikoi një këngë Donaldit, por mesa duket raporti mes dyshes nuk shkoi ashtu siç parashikohej në tekstin e shkruar nga këngëtarja.
Discussion about this post