Videoja që po shikoni vjen nga salla ku po zhvillohen bisedimet mes Moskës zyrtare dhe Kievit. Pamjet tregojnë përgatitjet e bëra vetëm pak çaste para futjes së delegacioneve që u ulën në tryezë për bisedimet mes Moskës zyrtare dhe Kievit.
Vetëm pak sekonda pas nisjes së filmimit, një grua futet brenda dhe kërkon që të ndërpritet xhirimi. Për pasojë kamera fiket.
Pjesë e delegacionit nga Ukraina janë ministri i Mbrojtjes Oleksii Reznikov e zëvendësministri i Jashtëm Dmytro Totsicki, ku kërkesa e Ukrainës është armëpushimi dhe tërheqja e trupave ruse.
Takimi i planifikuar i së hënës pason një mori deklaratash nga Kremlini, i cili pretendoi më parë se pala ukrainase kishte kundërshtuar propozimin e Rusisë për t’u takuar në Bjellorusi, por zyra e Zelensky mohoi pretendimet se Kievi kishte refuzuar të negocionte.
Discussion about this post