Armando Broja fiton respektin e një legjende si Alan Shearer. Golashënuesi më i mirë në Premier League është shprehur se e sheh si një lojtar që mund të lulëzojë në elitën e Anglisë. Futbollissti shqiptar ka shënuar 8 gola në 26 paraqitje në të gjitha garat me Southampton. 6 prej tyre kanë ardhur në Premier League.
“Shenjtorët’” kërkojnë të blejnë kartonin e sulmuesit, ndërsa në lëvizje është vendosur edhe Arsenal. Megjithatë Shearer ka thënë fjalët më të mira për 20-vjeçarin. “Një lojtar që ka sjellë një ndikim të menjëhershëm që kur iu bashkua Southamptonit në formë huazimi nga Chelsea. Më lejoni t’ju them, ky djalë është klinik, ” tha ai, duke folur në kanalin YouTube të Premier League.
“Goli i tij kundër Brentford e bëri atë lojtarin më të ri në historinë e Premier League-s në secilin prej katër ndeshjeve të tij të para si titullar në shtëpi. Si sulmues, gjithçka ka të bëjë me marrjen e rasteve dhe shënimin e golave, kështu që statistikat si kjo më tregojnë se ai mund të lulëzojë në Premier League.
Kundër Brighton ai më bëri veçanërisht përshtypje me ekuilibrin e tij, duke e dribluar mbrojtësin nga me aftësitë e tij, përpara se të dilte me qetësi në portë. Ai është një sulmues i ri me sy për gol dhe ka një të ardhme të ndritur në Premier League”. Ta thotë një legjendë si Alan Shearer është vërtetë diçka e bukur.
Discussion about this post