Presidenti Ilir Meta ka dhënë një deklaratë për mediat pas takimit që zhvilloi në ambasadën ukrainase në Tiranë me ambasadorin Volodymyr Shkurov. Gjatë fjalës së tij, Meta u shpreh se zgjidhje për luftën është dialogu, ndërsa shtoi se qëndrimet Shqipërisë janë në të njëjtën linjë me NATO dhe BE.
“Sot po jep shembull frymëzues për të mbrojtur veten por edhe vlerat më të mira Evropiane ndaj jemi në krah të Ukrainës dhe të presidentit Zelenski. Jemi për të shprehur edhe njëherë tjetër ngushëllimet më të sinqerta për viktimat e pafajshme dhe të gjithë të lënduarit nga ky agresion i pabesë dhe i pajustifikuar. Natyrisht që ne kemi bërë dhe do të bëjmë të gjitha përpjekjet bashkë me vendet demokratike për të nxitur armëpushimin dhe rikthimin e rrugëve diplomatike të ndalimit të kësaj lufte por njëkohësisht ne besojmë se vetëm rrugë e dialogut nga pozita të barabarta është zgjidhja për këtë situatë. Ne si vend anëtar i NATO-s dhe që synon të anëtarësohet në BE, qëndrimet tona kanë qenë të qarta në një linjë të plotë me NATO-n dhe BE, tha Meta.
Nga ana tjetër, ambasadori ukrainas falënderoi Metën për mbështetjen që Shqipëria ka dhënë në luftën me Rusinë.
Discussion about this post