Shumë klube europiane po solidarizohen kundër agresionit rus që po ndodh në Ukrainë. Shumë prej tyre shpalosin parulla ose veshin bluza me mbishkrime “Thuaji jo luftës”. Por, jo të gjithë i janë bashkuar kësaj nisme.
Akjut Demir, kapiteni i skuadrës turke Erzurumspor, refuzoi të vishte bluzën që bënte thirrje kundër luftës. Të gjithë shokët e tij të skuadrës e kishin veshur, por vetëm ai jo. Megjithatë lojtari ka dhënë një sqarim për mediat lidhur me këtë vendim të tij.
“Shumë njerëz po vdesin çdo ditë në Lindjen e Mesme. Edhe mua më vjen keq dhe e kuptoj dhimbjen e atyre njerëzve në Ukrainë. Ata që e shmangin persekutimin që po ndodh atje, janë duke bërë këto gjëra kur vjen puna për Europën. Nuk më pëlqen ta vesh këtë bluzë sepse nuk u bë për ato vende” – është shprehur Demir.
Discussion about this post