Kemi dëgjuar shpesh se gjaku i breshkave shëron disa sëmundje, por nuk dimë sa e vërtet është kjo. Sigurisht detaje dhe më shumë informacion mund të jap vetëm një rritës breshkash. I tillë është Erjan Guxha, i cili ka ndërtuar fermën e parë në rritjen dhe kujdesin e breshkave. Guxha hodhi dritë mbi të vërtetat dhe të pavërtetat e këtyre kafshëve.
Sipas tij, një ndër arsyet që breshkat rrezikohen, përtej pakujdesisë në rrugët automobilistike, janë edhe njerëzit që përdorin gjakun e tyre për tu shëruar. Erjani shprehu se kjo gjë jo vetëm që nuk duhet të bëhet pasi merr jetën e një kafshe në zhdukje por dhe rrezikon jetën e individit që e përdor gjakun.
“Është e vërtetë që sjellë fat, është një kafshë dashamirëse. Por kam marrë dhe shumë mesazhe ku më pyesin se gjaku i tyre kuron kancerin. S’është aspak e vërtetë, njerëzit e marrin si ilaç popullor dhe në një sëmundje komplekse nuk duhet marrë gjaku i breshkës pa një kontroll të duhur. E mira është që kushdo që ka breshka të përdor dorashka dhe të lajë duart sepse breshka jeton në habitatin e saj në natyrë”, tha ai gjatë një interviste televizive. Kujtojmë se ka edhe nga ata që të prekësh një breshkë e quajnë si ogur i keq.
Discussion about this post