“Më e keqja nuk ka ardhur ende”, tha ministri i Jashtëm francez Jean-Yves Le Drian, duke iu referuar luftës në Ukrainë. Kam frikë logjikën e rrethimit me të cilën janë mësuar rusët, paralajmëroi ministri i Jashtëm francez, duke kujtuar ngjarjet në Siri dhe Çeçeni në të kaluarën.
Lufta ka lënë qindra të vdekur edhe nga ana e Rusisë, tha Le Drian, duke shtuar se dëshira kryesore e Putinit është që Rusia të mos kufizohet me vende demokratike, sepse kjo mund të ketë pasoja brenda Rusisë.
Në ditën e tetë të luftës forcat ruse kanë marrë kontrollin e qytetit Kherson në jug të vendit. Është qyteti i parë i madh ukrainas që merret nga Rusia prej fillimit të luftës.
Një autokolonë me mjete ushtarake ruse është parë pranë Kievit, sipas një zyrtari amerikan të mbrojtjes. Bombardime janë regjistruar sërish në Kharkiv. Edhe qyteti port Mariupol në jug është bombarduar, dyshohet se kanë humbur jetën shumë civilë.
Megjithatë, ushtria e Ukrainës pretendon se qyteti mbetet ende në duart e tyre. Për herë të parë Moska pranon humbje të mëdha nga lufta me Ukrainën.
Kremlini bënë me dije se 498 ushtarë janë vrarë dhe 1597 të tjerë janë plagosur. Ndërsa Presidenti ukrainas Zelensky pretendon se ky numër është shumë më i madh, rreth 9000 rusë të vrarë në një javë. Sakaq, ditën e stme pritet takimi i dytë i delegacioneve ruse dhe ukrainase.
Discussion about this post