Një tjetër natë luftimesh në Ukrainë. Teksa jemi në ditën e 9 të luftës, ajo që po ndodh në vendin e pushtuar nga Rusia është shkatërrim e viktima.
Një zjarr shpërtheu në termocentralin bërthamor Zaporizhzhia, më i madhi në Evropë pas një sulmi me granatime ruse. Gruper e emergjencës kanë arritur të shuajnë flakët
Shërbimet Shtetërore të Emergjencave të Ukrainës bënë me dije se nuk kishte viktima nga zjarri, i cili nuk preku vendndodhjen e reaktorit, por një zonë trajnimi pesëkatëshe aty pranë.
Sulmi i Rusisë shkaktoi dënim të menjëhershëm nga liderët perëndimorë të cilët e quajtën atë një akt “të tmerrshëm” dhe “të pamatur” që kërcënonte sigurinë e të gjithë Evropës.
Presidenti i Ukrainës Zelensky disa orë më parë u bëri thirrje vendeve të tjera që të ndërmarrin më shumë veprime menjëherë kundër “terrorit bërthamor” të Putinit.
Gjithashtu, ai u bëri thirrje evropianëve që të “zgjohen” me perspektivën e një katastrofe globale si shkrirja bërthamore e Çernobilit në 1986 dhe tha se Rusia ishte vendi i parë në histori që u përpoq të bombardonte një termocentral bërthamor.
Diku tjetër, Rusia po forcon fushatën e saj në jug të Ukrainës, ku po mbyllet në qytetin kyç të Mariupolit pasi pushtoi Kherson dy ditë më parë.
Mbi një milion refugjatë janë larguar tani nga Ukraina. Si Rusia ashtu edhe Ukaine kanë rënë dakord për krijimin e “korridoreve humanitare” për evakuimin e civilëve.
Discussion about this post