Forcat ruse janë të përqendruara në rrethimin e Kievit, bëri me dije në një deklaratë ditën e sotme Ministria e Mbrojtjes e Ukrainës, raportojnë burime të CNN.
Në deklaratë thuhet se trupat ruse janë bllokuar dhe ndaluar në zonën e Makarov, e cila është rreth 60 km larg kryeqytetit ukrainas.
Ministria raportoi se forcat e armatosura të Rusisë kanë shteruar shumicën e rezervave të tyre operacionale dhe kanë filluar “përgatitjet për transferimin e forcave dhe burimeve shtesë nga rrethet ushtarake jugore dhe lindore”.
Presidenti rus Vladimir Putin tha të enjten se lufta në Ukrainë “po shkonte sipas planit”, pavarësisht vlerësimeve nga vendet e tjera se pushtimi i Kremlinit nuk ka shkuar sipas planit.
Së fundmi, Ministria e Mbrojtjes e Ukrainës shprehu se forcat ruse vazhdojnë të përgatiten për zbarkim në brigjet e Detit të Zi.
Discussion about this post