Një ditë para zgjedhjeve lokale të 6 marsit që pritet të mbahen për 6 bashki të vendit, qeveria ka vendosur të shtyhet afati i vlefshmërisë së kartave të ID deri më 7 mars.
Mësohet se, Këshilli i Ministrave, me propozim të ministrit të Brendshëm ka miratuar Aktin Normativ që shtyn afatin e vlefshmërisë për kartat e identitetit, për zgjedhësit e 6 bashkive ku zhvillohet proces elektoral ditën e nesërme.
Kjo për t’u dhënë mundësi atyre qytetarëve që nuk kanë rinovuar në kohë dokumentin biometrik, me të cilin mund marrin pjesë në votimet e 6 marsit.
Dita e sotme konsiderohet si heshtje zgjedhore pas dy javësh fushate intensive ku partitë politike kanë prezantuar kandidatët e tyre në Shkodër, Dibër, Durrës, Vorë, Rrogozhinë dhe Lushnje.
Discussion about this post