Çmimi i naftës ka shënuar një tjetër rritje ditët e sotme ndërkohë që prej vitit 2021, është shtrenjtuar tetë herë, duke arritur në rreth 240 lekë aktualisht.
Ka qenë vetë ministrja e Financave dhe Ekonomisë, Delina Ibrahimaj, e cila në fillim të muajit shkurt u shpreh se kjo rritje e çmimit të naftës do të vijojë për një periudhë 6 mujore, duke shtuar se ka një rritje edhe për nënproduktet e tjera.
“Në fakt tregu i monopolizuar nuk shfaq këto parametra. Çmimet e bursës dhe nënproduktet ka muaj që janë në rritje. Ka që në 2020 që ka nisur një rritje do të vazhdojë për 6 muaj të tjerë. Detyrimisht do ketë rritje të çmimit të naftës”, u shpreh ajo për Euronews Albania duke shtuar se qeveria nuk ka politika për rimbursim.
“Këtë 6 mujor do shohim si do ecë rritja e çmimit të naftës, jemi me monitorim. Ende asnjë politike për rimbursim të politikës së naftës, siç kanë bërë vendet jashtë”, tha Ibrahimaj.
Kujtojmë që çmimi i naftës ka arritur nivele rekord të papara ndonjëherë në tregun vendas. Në pikat kryesore të tregtimit me pakicë si Gega, Kastrati dhe Alpet, nafta po tregtohet me 230 lekë për litër. Kjo është rritja e tretë brenda dy ditëve.
Discussion about this post