Deputeti i Partisë Demokratike Luan Baçi ka denoncuar shkeljet që sipas tij po bëhen nga përfaqësues të Partisë Socialiste në Lushnje. Në video, sipas Baçit është Bujar Kullolli, kryetar i Njësisë Vendore Allkaj në Lushnje, i cili mban në duar listat e votuesve, duke shënuar se kush paraqitet dhe kush jo për të votuar.
Teksa një qytetar afrohet për ti bërë videon, Kullolli shfaqet tërësisht indiferent, edhe pse është në shkelje të ligjit.
“Bujar Kullolli, kryetar i NJ.V. Allkaj ne shkelje te plot te ligjit!…”, shkruan Baçi në postimin e tij në rrjetet sociale.
Të njëjtat video ka postuar dhe deputeti i LSI-së Petrit Vasili, i cili shkruan në postimin e tij: Deputeti Luan Baçi denoncon shkelje flagrante të ligjit nga Bujar Kullolli kryetar i Njësisë Vendore Allkaj në Lushnje, i cili me lista votuesish fut duar e pista të rilindjes për të manipuluar procesin zgjedhor.
Discussion about this post