Nuk ka ende asnjë gjurmë të autorëve për atentatin e ndodhur një ditë më parë në Vlorë, ku mbeti i plagosur Romeo Meçaj 33-vjeç.
Policia ka marrë sot në pyetje rreth 15 persona dëshmitarë e familjarë të të riut, të cilët kanë zbardhur detaje të forta për të shkuarën e Meçajt. Sipas tyre gjatë sezonit veror Meçaj punonte si skafist, me mjete lundruese që transportonin turistë në Karaburun dhe Sazan. Pikërisht kjo punë e lidhte dhe me Delon Troqen, i cili u vra në muajin maj të vitit të kaluar, në afërsi të të njëjtit vend e me të njëjtën skemë si Meçaj.
Nga hetimet e deritanishme në vendin e ngjarjes është zbuluar një tjetër gjurmë që mund të çojë në identifikimin dhe arrestimin e autorëve që dyshohet se janë dy.
Konkretisht, një vrimë është krijuar në një prej tabakinove të zonës, si pasojë e të shtënave me armë. Në vendin e ngjarjes janë gjendur më tepër se 15 gëzhoja duke filluar nga dera e Stadiumit Flamurtari e duke vijuar më tej për 15 metra.
Hetuesit po kërkojnë më shumë në të shkuarën e 33-vjeçarit, për shkak të lidhjes së tij me Delon Troqen. Sakaq ngrihen dyshime se kemi të bëjmë me të njëjtët autorë të këtyre dy atentateve, lidhur kjo nga lëvizjet e tyre. I njëjti vend e njëjta skemë që u përdor në ekzekutimin e Delon Troqes, është përdorur edhe në atë të Romeo Meçaj, i cili shpëtoi mrekullisht.
Pas krimit, autorët dogjën makinën e vjedhur të llojit “Golf 5” e deri më tani nuk ka asnjë gjurmë prej tyre. Zona ku është bërë atentati nuk ka kamera sigurie e sipas hetuesve kjo gjë tregon se autorët e kanë ndjekur e menduar mirë momentin se kur do ta qëllonin 33-vjeçarin. Errësira ka qenë gjithashtu në avantazhin e tyre. Por misioni nuk ka përfunduar me sukses pasi Meçaj arriti t’i shpëtonte këtij atentati ose në këtë kundërt kemi të bëjmë me një paralajmërim. A.L/ gijotina.com
Discussion about this post