Presidenti ukrainas Volodymir Zelensky ka reaguar për atë që ndodhi ditën e diel në Irpin, ku mbetën të vrarë 4 civilë, dy prindërit dhe dy fëmijët.
Në fjalimin e tij të mbajtur mbrëmjen e së dielës, Zelensky ka thënë se do të mbahet mend gjithçka dhe do të ndëshkohen ata që e bënë këtë krim.
“Sot, një familje me katër anëtarë, prindër dhe dy fëmijë, u vranë në Irpin teksa po përpiqeshin të largoheshin nga qyteti. Ne nuk do të falim. Nuk do të harrojmë. Guximi i agresorit është një sinjal i qartë për Perëndimin se sanksionet e vendosura nuk janë të mjaftueshme. Nuk mund të fshihesh nga ky realitet. Nuk mund të fshihesh nga vrasjet e reja në Ukrainë, tha Zelensky mbrëmjen e së dielës.
Discussion about this post