Champions/ Interi përball të pamundurës në Anfield, Salzburg tenton surprizën

Sot në mbrëmje luhet ndeshja e madhe e Champions League midis Liverpool-Inter dhe Bayern Munchen- Salzburg.

Zikaltërit do të provojnë misionin e pamundur ndaj Liverpoolit, “Sportmediaset” thotë se Interit i duhet guximi, cilësia, intensiteti dhe ai pak fat i cili i ka munguar ndaj ekipeve të mëdha.

Interit do t’i duhet të fitojë të paktën me dy gola diferencë për ta çuar ndeshjen në shtesë, një tentativë që do të jetë tepër e vështirë për djemtë e Inzaghit. Përballë do të kenë një ekip që nuk fal shumë,  sidomos në ndeshjet e mëdha tepër të rëndësishme si kjo e Champions League.

Interi sot do të jetë kokë e këmbë për të kërkuar të pamundurën, gjë për të cilën e ka vërtetuar disa herë që mund ta bëjë.

Takimi tjetër që pritet me shumë interes dhe që do të jetë i luftuar deri në fund, duke marrë shkas se takimi i parë përballë tyre ka përfunduar në barazim 1-1 në Austri, ndërsa në “Allianz Arena” bavarezët do të hidhen në sulm për të shmangur ndonjë surprizë të pa këndshme.

Për këtë duel, Bayerni do të jetë pa Corentin Tolisson, Leon Goretzkan dhe Manuel Neuer që janë të lënduar, ndërsa Alphonso Davies ka probleme me zemër.

Në anën tjetër, RB Salzburg do të ketë edhe më shumë mungesa si, Albert Vallçi, Zlatko Junuzovic, Oumar Solet, Sekou Koita, Ousmane Diakite, Benjamin Sesko, Nohad Okafor dhe Jerome Onguene, që janë po ashtu të lënduar.