Deputetja e Partisë Demokratike, Ina Zhupa në seancën e sotme të Kuvendit ka thirrur në interpelancë ministren e Arsimit Evis Kushi për çështjen e Maturës Shtetërore.
Zhupa u shpreh se kjo është cilësuar si matura e pandemisë, ku përgjatë këtyre tre viteve mësimi është zhvilluar në kushte jo normale dhe sipas saj nxënësit dhe prindërit janë në dilema.
“Për herë të parë kemi maturën e pandemisë. Ka nisur në 2019 dhe semestrin dytë të vitit të parë e kanë zhvilluar në kushte të tmerrshme pandemie. Vëmendje të mësimi do të ishte edhe më e ulët. Aq më pak në Shqipëri që ne mësimin online e futëm me shumë vështirësi. Nuk duhet të harrojmë që vitin e dytë po ashtu e bënë në miksim. Duhet të merret parasysh se si do të harmonizohet ky problem që lidhet me mësimin online dhe fizik që lidhet me këto tre vite. Ju zonja ministre duhet të tregoni për testet pilote. Mungon totalisht konstituivi i organizmave të mirëfillta. Për këtë vit janë bërë vetëm dy konsulta. Janë të pamjaftueshme. Nuk ka prind sot që nuk gjen dilema”, tha Zhupa.
Nga ana tjetër, sikurse pritej, Ministrja e Arsimit Evis Kushi kundërshtoi Zhupën, duke thënë se kanë marrë masa shtesë për rregulloren e Maturës dhe se këtë vit hartimi i pyetjeve do të bëhet në kushte të larta sigurie.
“Kemi vendosur kritere të forta që vetëm mësuesit që kanë një përvojë të gjatë mund të jenë pjesë e këtyre proceseve. Duke qenë se u konstatua se hartimi i testit të ishte më problematik, ne kemi vendosur që edhe hartimi të bëhet në kushte të larta sigurie. Këtë vit do të bëhet me metodën e Coeps, me mësuesit më të mirë. Procesi i vlerësimit të testeve do të mbikëqyret edhe nga grupe pune të ngritur nga ministria e arsimit. Do të marrim masat që edhe vlerësimi i testeve të bëhet jo vetëm me cilësi të lartë por brenda një kohe të shkurtër. Ne kemi vendosur dy data, brenda datës 5 korrik maturantët që duan të studiojnë jashtë do të kenë diplomat. Në lidhje me qendrat e provimeve, edhe këtu kemi marrë masat, në mënyrë që të plotësojnë kriteret që janë të përcaktuara qartë”, tha Kushi.
Discussion about this post