Ndërsa të gjitha vendet fqinje me Shqipërinë kanë marrë masa konkrete për përballimin e krizës së çmimeve, Kryeministri Edi Rama duket i palëkundur për të mos bërë asnjë lehtësim për shqiptarët, duke u justifikuar në çdo moment se nuk i kemi çmimet e larta, ndërkohë që zgjidhjet e tij alternative janë “Zot na ruaj”.
Pas protestës së qytetarëve një ditë më parë dhe paralajmërimit se do ketë protesta të tjera, Edi Rama ka bërë njoftuar për bashkëbisedim me qytetarët për çështjen e energjisë dhe karburanteve.
“Le të dëgjojmë njëri-tjetrin. Kriza ndërkombëtare e energjisë dhe impakti i luftës mbi naftën”, shkruan Rama, ndërkohë që qytetarët kërkojnë vetëm uljen e çmimeve ose dhënien e zgjidhjeve konkrete siç kanë bërë vendet e tjera.
Për kujtesë të qytetarëve, Qeveria e Kosovës ka ulur taksat dhe ka vendosur çmim tavan për karburantet; Qeveria e Maqedonisë ka hequr TVSH-në për produktet bazë dhe ka ulur taksën për karburantet; Qeveria e Serbisë ka hequr akcizën mbi karburantet dhe po jep subvencione për fermerët; Qeveria e Kroacisë ka hequr akcizën mbi karburantet dhe për 3 muaj ka vendosur çmim tavan; Qeveria e Greqisë ka miratuar paketë ndihme dhe kupon 300 eurosh për çdo familje në nevojë, ndërkohë që Qeveria e Shqipërisë nga Dubai thotë: Shtrëngoni dhëmbët, Zoti ju ruajt. Ndërkohë, Edi Rama fton qytetarët për bashkëbisedim, por më mirë do të ishte të dilte përballë atyre që sot kanë njoftuar sërish për protestën e radhës kundër rritjes së çmimeve. Gijotina.com
Discussion about this post