Edhe në ditën e dytë të protestës, aktori i njohur i humorit Florian Binaj u ka bërë thirrje qytetarëve që ti bashkohen protestës. Në fjalën e tij ai u shpreh se nafta nuk është luks, por mjete jetese. Ai tha se në shkollë po ngele një vit ta falin, po ngele vitin e dytë nuk merr shkollën.
“Vetëm aq sa ishim mbrëmë i bëmë dy gjëra, u ul nafta dhe erdhi ai nga Dubai. Imagjinoni çfarë do të ndodhë të shtunë po të mblidhemi të gjithë. Nafta nuk është luks, por është mjet jetese. Por këta nuk e dinë pse ja kemi dhënë mundësinë. Në shkollë po ngele një vit ta falin, po ngele vitin e dytë nuk merr shkollën. Ne kemi 30 vite që i durojmë këta. Prapë i japim mundësi të njëjtëve njerëz. Kur kryeministri ka ardhur në pushtet, unë kam qenë 11 vjeç dhe i mbaron mandati kur unë të jem 40 vjeç” – është shprehur Flori Binaj.
Binaj gjithashtu u shpreh se Rama ka kaq vite në politikë dhe për ta treguar këtë, ai tha se iku Bushi erdhi Obama, iku Obama erdhi Trump, iku Trump erdhi ky tjetri dhe ky është prapa në politikë.
“Ka të tjerë më keq se ky, që kanë qenë në politikë që kur ka qenë gjyshi i Bushit në Amerikë, iku gjyshi erdhi babi i Bushit, iku ai erdhi Klinton, iku Klinton erdhi Bushi. Iku Bushi erdhi Obama, iku Obama erdhi Trump, iku Trump erdhi ky tjetri dhe ky është prapa në politikë. Ne nuk duhet të rreshtim sepse këta 30 vjet nuk kanë menduar asnjëherë për ne, por ne duhet të mendojmë për njëri tjetrin” – tha Binaj.
Discussion about this post