Ditën e sotme edhe qytetarët e Bulqizës janë çuar në protestë kundër rritjes së çmimeve. Bulqizakët kanë bllokuar rrugën kryesore Peshkopi-Tiranë, ku nuk kanë munguar edhe përplasjet me policinë.
Sipas informacioneve, Policia ka shoqëruar në komisariat një gazetar në qytetin e Bulqizës. Gazetari Sami Curri u shoqërua për shkak se ai kishte shpërndarë në rrjetet sociale, ftesën për protestën e sotme të qytetarëve për rritjen e çmimit të naftës në Rrugën e Arbrit.
Pas 1 orë proteste në Rrugën e Arbrit mes 2 lagjeve të Bulqizës dhe në Qafën e Buallit, dhjetëra qytetarë janë shpërndarë paqësisht. Gazetari Sami Curri po mbahet në komisariatin e policisë në Bulqizë.
Discussion about this post