Protesta për çmimet/ Arrestohen 7 persona në Elbasan(Emrat)

Policia e Librazhd ka proceduar penalisht 7 shtetas pasi penguan qarkullimin e automjeteve duke bllokuar rrugën nacionale Përrenjas-Pogradec dhe nuk iu bindën urdhrit të punonjësve të Policisë.
Specialistët për Hetimin e Krimeve në Komisariatin e Policisë Librazhd proceduan penalisht për veprat penale “Mosbindja ndaj urdhrit të punonjësit të policisë së rendit publik”, “Organizimi dhe pjesëmarrja në grumbullime e manifestime të paligjshme” dhe “Pengimi i qarkullimit të mjeteve të transportit”, shtetasit:
Flodjan Kokonozi, 30 vjeç
Klajdi Çollaku, 25 vjeç
Mariglen Hysa, 22 vjeç
Fatjon Çela, 27 vjeç
Gëzim Laçka, 40 vjeç
Olsi Beqo 27 vjeç
Ervis Balla 28 vjeç.
Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
Ndërkohë Drejtoria Vendore e Policisë Elbasan apelon për të gjithë qytetarët që të mos bllokojnë lëvizjen e lirë të mjeteve dhe qytetarëve, sepse do të përballen me forcën e ligjit.