“Po i bën varrin këtij populli”/ Feliks Bilani nga protesta: Do vendosim të jemi të lirë apo skllevër?

Prej një ore ka nisur protesta kundër rritjes së çmimeve të ushqimeve dhe karburanteve. Për të tretën ditë radhazi qytetarë në Tiranë dhe qytete të tjera të vendit janë ngritur në protestë me pankarta, thirrje dhe kanë bllokuar rrugët.

Nga sheshi përballë kryeministrisë ditën e sotme foli fotografi Felix Bilani, i cili u shpreh se është në dorën tonë, sipas tij,  të vazhdojmë të jemi skllevër apo të lirë.

“VKM-të janë pjesë e varrit që po i bën këtij populli. Do vendosim të jemi të lirë apo skllevër? Piktori do vazhdojë të bëjë numrat e tij, por a jemi ne të gatshëm të dalim para tij?”

Ndërkohë protestat po vazhdojnë në shumë qytete të vendin ku në Durrës ka pasur edhe konfrontime me policinë e cila ka filluar që tani shoqërimet.