Bllokimi i “Zogut të Zi”/ Fillojnë arrestimet, policia merr zvarrë protestuesin

Forcat policore kanë filluar aksionin në Zog të Zi. Ata kanë marrë me forcë, disa protestues duke i shoqëruar në mjetin e policisë.

Siç shihet edhe në foton e siguruar nga gijotina.com njëri prej qytetarëve që ndodhej në këtë zonë për të protestuar është tërhequr zvarrë nga forcat policore.

Burime të brendshme për gijotina.com gjithashtu bëjnë me dije se shumë shpejt do të mbërrijnë edhe Forcat e Ndërhyrjes së Shpejtë.

Policia i ka ndjekur “këmba-këmbës” në përpjekje për t’i ndaluar qytetarët.

Ata bëjnë thirrje që të lirojnë rrugën, në të kundërt do të shoqërohen drejt komisariatit.

Kujtojmë se në rrjetet sociale është bërë thirrje që nesër në orën 11:00 të zhvillohet sërish protesta para Kryeministrisë për t’u shpërndarë më pas në të gjitha akset rrugore të kryeqytetit.