Deputeti Dashnor Sula, i shtohet listës së deputetëve që kërkojnë largimin e Bashës si kryetar i PD. Ai ka mbajtur një qëndrim edhe më të fortë se kolegët e tij, përballë kushtit që ka vënë për dorëheqjen e Lulzim Bashës. Sula ka thënë se nëse Basha nuk merr vendime të menjëhershme, përfshirë edhe dorëheqjen, atëherë kjo do të jetë mbledhja e fundit e grupit të PD-së që ai merr pjesë.
“Kryetar ndryshe nga mbledhja e parë kur ne folëm dhe ju na dëgjuat, madje mbajtët edhe shënime për ato që ne thamë sot unë shpresoj dhe besoj se ju keni ardhur me një formulë zgjidhjeje për këtë situatë. Gjatë këtyre ditëve, ju keni marrë kohën që ju është dashur por edhe unë dhe kolegët e mi kemi menduar dhe ideuar forma dhe mënyra të ndryshme reagimi përballë gjendjes në të cilën ndodhen demokratët sot.
E them që dua vëmendjen tuaj sepse në varësi të zgjidhjes dhe vendimeve që t’i do të marrësh në fund të kësaj mbledhjeje, mbase kjo mund të jetë edhe fjala ime e fundit në këtë grup. Ndonëse do të ishte gjëja e fundit që do të doja”, u shpreh ai. Kujtojmë se në këtë mbledhje më herët Tabaku dhe Alibeaj gjithashtu kanë dalë kundër Bashës dhe kanë kërkuar largimin e tij.
Discussion about this post