Në fjalën e tij në mbledhjen e grupit parlamentar të PD-së, deputeti i Partisë Demokratike, Tomorr Alizoti, është shprehur se është rikthyer vetëm për të kërkuar dorëheqjen e Lulzim Basha. Alizoti i ka thënë Bashës se duhet që të japë dorëheqjen pasi nuk e ka më përkrahjen e demokratëve.
“Jam rikthyer në këtë mbledhje t’ju kërkoi atë që prej disa muajsh e kërkojnë demokratët. Duhet të japësh dorëheqjen z.Basha. Kjo parti nuk ka institucione. Vetëm përmes funksionimit te institucioneve mund të funksionoje partia. Jep dorëheqjen sepse nuk e ke me mbështetjen e demokratëve” – tha Alizoti.
Një tjetër deputete e cila pak ditë më parë ka dhënë dorëheqjen nga funksionet e saj në PD, Grida Duma në fjalën e saj në mbledhje rithekson faktin se Basha i ka pasur të gjithë mundësitë dhe tashmë nuk ka asnjë shans, duhet të dorëhiqet.
“Z.Basha të janë dhënë të gjitha mundësitë. Jo sot, por dje dhe me herët që nga dita që pe rezultatin e 6 marsit duhet të ishe larguar. Ka vetëm një rrugë që e ringren PD sot. As ju as Berisha nuk mund të kandidojnë më. Zgjidhja vjen përmes dorëheqjes suaj dhe ngritjes së një komisioni te gjërë me përfaqësim të palëve për riorganizimin e çdo strukture ne PD”, është shprehur Duma.
Gjithashtu dorëheqja është kërkuar edhe nga deputetë të tjerë të cilët kanë folur në mbledhjen e partisë, mes të cilëve edhe Lefter Gështenja.
Discussion about this post