Teksa protesta kundër rritjes së çmimeve në bulevardin “Dëshmorët e Kombit” ka nisur, kryeministri Edi Rama nuk ka nguruar t’iu përgjigjet disa komenteve në Facebook.
Një prej tyre i ka shkruar se e ka çuar vendin në skandencë, Rama i përgjigjet duke u justifikuar se skandenca e Shqipërisë është në kokat e atyre që nuk duan të kuptojnë se çmimet i ngre tregu.
Komentuesja: E çove në skadencë Shqipërinë! Ço rrogat, pensionet, atëherë ço edhe çmimet!?
Edi Rama: Skadenca e Shqipërisë është ne kokat e atyre që nuk duan as te dëgjojnë, as te shikojnë, as te kuptojnë dhe qe akoma nuk e kane marre vesh pas tridhjete vjetësh se çmimet në kapitalizëm nuk i çon qeveria, po i çon tregu, krizat, luftërat!
Protesta për rritjen galoponte të çmimeve jo vetëm të hidrokarbureve por edhe ato të sektorëve të tjerë ku përfshihen ushqimet, do të vijojë edhe ditën e sotme para Kryeministrisë.
Discussion about this post