Avokatja i Popullit i Ukrainës për të drejtat e njeriut ka pohuar se Rusia ka përdorur municione të ndaluara me fosfor në një sulm gjatë natës në Popasna në Ukrainën lindore. Luidmila Denisova ndau një fotografi sipas të cilës rusët përdorin municione me fosfor, por nuk dha detaje nëse Ukraina ka prova konkrete për këtë.
“Bombardimi i një qyteti civil nga sulmuesit rusë me këto armë është një krim lufte dhe një krim kundër njerëzimit sipas Konventës së Romës”, tha ajo në një deklaratë në internet. Në lindje të Ukrainës , trupat ruse po përpiqen të rrethojnë forcat ukrainase ndërsa ato përparojnë nga porti i Mariupolit në jug dhe qyteti i dytë më i madh i vendit, Kharkiv në veri, thonë zyrtarët e mbrojtjes në Mbretërinë e Bashkuar. Kharkhiv ka pësuar disa nga bombardimet më të rënda ruse, me video që tregojnë rrugë të bombarduara plotësisht dhe shumë ndërtesa të rrafshuara. Ndërsa forcat ruse rrethojnë Mariupolin, grupet e ndihmës po paralajmërojnë për një katastrofë humanitare.
Discussion about this post