Senatori amerikan Richard Blumenthal, ka bërë me dije se SHBA duhet të furnizojë Ukrainën me pajisje ushtarake, përfshirë këtu edhe avionët.
“Duhet të merren parasysh mjetet e mbrojtjes ajrore, si avionët, dronët, kundërajrorët, bateritë dhe raketat, të gjitha mjetet e mbrojtjes ajrore. Dhe ndjenja ime personale është se ne duhet t’i ofrojmë ato avionë sepse ata janë potencialisht shumë të rëndësishëm për mbrojtjen e Ukrainës, “tha Blumenthal, i cili është pjesë e Komitetit të Forcave të Armatosura të Senatit.
Ai shtoi më tej se jo me pilotët amerikanë, por me trajnimin që ukrainasit kanë nevojë për të fluturuar ata avionë në mënyrë që sipas tiju të japin rezultat.
“Jo me pilotët amerikanë, por me trajnimin që ukrainasit kanë nevojë për të fluturuar ata avionë dhe për t’i bërë ata efektivë si një parandalues, si dhe një forcë për të mbrojtur popullin ukrainas kundër epërsisë ajrore të avionëve luftarakë rusë”.
Pentagoni raportoi javën e kaluar se SHBA-ja ishte kundër një plani polak për transferimin e avionëve luftarakë në Ukrainë përmes SHBA-së.
Së fundmi, burime për CNN theksuan për Ukrainën se edhe nëse bëhet në mënyrë dypalëshe, mund të perceptohet nga Rusia si aleanca që përfshihet drejtpërdrejt në luftë.
Discussion about this post