Mjafton një foto me barkun paksa të rrumbullakosur të një personazhi publik që njerëzit të fillojnë të aludojnë për shtatzëni. Kështu ka ndodhur edhe me Sarah Berishën e cila ka postuar disa foto në rrjetin e saj Instagram ku shihet e veshur me një kostum të kuq që përmban një xhaketë të shkurtër dhe një fund.
Mirëpo, ndjekësit e blogeres kanë nisur të komentojnë se ajo është në pritje të ëmbël.
“Je në pritje të ëmbël?”-pyet dikush, teksa të tjerë nuk kanë ngurruar as ta urojnë duke shkruar: “Urime shtatzënia.”
Të tjerë aludojnë se e gjitha lidhet me veshjen dhe pozicionin e fotos që ka bërë që Sarah të duket me barkun më të rrumbullakosur se zakonisht.
Kujtojmë se, blogerja ishte një nga konkurentet e “Big Brother VIP”, e cila iu bashkua këtij formati në ditët e fundit të muajit tetor, ku po brenda shtëpisë ajo krijoi një lidhje me Dj PM. Ndërsa tani Sarah i është bashkëngjitur emisionit “Kosherja” si moderatore.
Discussion about this post