Julia Goga është 22-vjeçari që u plagos ditën e djeshme me thikë në Pogradec, ku një i ri vetëm 19-vjeç e qëlloi në shpatull dhe në bark. Krimi është vazhdim i ngjarjes së ndodhur më 24 shkurt, ku sërish shënjestra ka qenë 22-vjeçari i plagosur me thikë.
Më 24 shkurt, Goga u rrëmbye, u dhunua dhe kërcënua nga dy vëllezërit Igli dhe Endri Ajdini, pasi i kishte ngacmuar të dashurën njërit prej tyre. Ishte vetë 22-vjeçari që denoncoi rrëmbimin e tij pasi u lirua dhe policia arrestoi dy vëllezërit Ajdini.
I riu tregonte se vëllezërit e kishin çuar në një tokë në periferi të qytezës, ku e kanë dhunuar fizikisht. Më pas ata e kanë braktisur aty dhe janë larguar. Pas këtij momenti, ai ka telefonuar Policinë lokale duke denoncuar atë çfarë kishte ndodhur.
Megjithatë të afërmit e të rinjve se kanë lënë me kaq, pasi ka qenë kunati i dy vëllezërve vetëm 19-vjeç që e ka sulmuar duke e plagosur me thikë të riun, i cili fatmirësisht u dërgua në spital ku ndodhet jashtë rrezikut për jetën.
Discussion about this post