Fitimi i titullit kampion ka mbushur Atletico Madrid me entuziazëm. Drejtuesit nuk kanë ndërmend të kursehen dhe po punojnë për t’i dhuruar Diego Simeones një skuadër edhe më të forta.
Lautaro Martinez është një nga objektivat e merkatos dhe operacioni i blerjes së sulmuesit të Interit mund të mbyllet për shifrën e 80 milion eurove.
Por jo vetëm 23-vjeçari argjentinas, i cili u shpall kampion i Italisë me Interin. “Colchoneros” synojnë edhe një lojtar që ka dalë kampion në Premier League.
France Football shkruan se Atletico Madrid është vënë në ndjekje të Bernardo Silva, 26-vjeçarit të Manchester City, një nga “fiksimet” e trajnerit Diego Simeone.
Një objektiv i vështirë, por klubi spanjoll po tenton të shfrytëzojë raportet e mira me Jorge Mendes, agjentin e lojtarit portugez. Kampionët e Spanjës po përgatisin ofertën e parë për “Cityzens”.
