Ndërkohë që për gjashtë ditë rresht qytetarët dalin në protesta dhe kërkojnë rritjen e çmimeve, kryeministri Edi Rama vazhdon të tallet me popullin. Ai sot ka replikuar më një komentues ditën e sotme në Facebook rreth situatës që ndodhemi. Teksa komentuesi ka shkruar se për shkak të protestës u ul çmimi i naftës.
Por këtë gjë e ka mohuar Rama, duke shkruar se po të ishte për protestën nuk do të lëvizte as gishtin e vogël të dorës. Ai e ka quajtur protestën si turp kombëtar, i organizuar nga sharlatanët dhe delirantë.
Pjesë nga biseda:
Komenti: Mos ishte për protestën sot e kishim 300 lek litrin e naftë. Dhe asgjë nga këto s’do bëje.. Edhe këto letra i ke, sa për të shuar zjarrin. Si na qenka kjo pune o naftën o energjinë. Me ça logjike? Provo ta rritesh energjinë e të bëhemi 300 mije ne shesh. Po je i zoti menaxhoje në të kundërt ik. Na tregon biberonin ti.
Edi Rama: për atë proteste turpi nuk lëvizja as gishtin e vogël të dorës unë, po qoftë për krizën e energjisë që e kam paralajmëruar kur disa thoshin kjo është loje dhe qoftë për krizën e çmimeve nga lufta për të cilën e lajmërova që në fillim të javës se shkuar paketën e mbështetjes, qeveria është vene në lëvizje kur ata qe protestojnë sot flinin gjumë! Sa për protestën ajo është një turp kombëtar, i organizuar nga sharlatanë e delirantë që kujtojnë se u erdhi ora dhe i furnizuar me njerëz nga nongratat e shpallur e të pashpallur, një amalgame qeniesh që atdheun e dinë shesh për të bërë përshesh, e që e bënë Shqipërinë te vetmit vend në boten demokratike, ku protestohet për çmimet qe rriti lufta, tamam siç do t’i donte Kremlini.
Discussion about this post