Të gjithë qytetet në vendin tonë vuajnë mungesën e ujit të pijshëm dhe në kaq vite akoma nuk është gjetur zgjidhje. Përgjegjëse për këtë problem janë edhe bashkitë, të cilat nuk investojnë si duhet në rrjetin e ujësjellës-kanalizimeve. Bashkia Korçë ka nisur një projekte për ujësjellësin në zonat e saj, por në vend që t’i çojë ujë qytetarëve po iu vjedh paratë. Kjo njësi administrative ka hapur një tender për ujësjellës-kanalizimin në këtë qytet, kontratë e cila është në shkelje të plotë ligjore dhe për të do të shpenzohen miliona lekë.
Sipas dokumentit të publikuar, për këtë tender do të jepen 6.5 milionë lekë, ajo është zhvilluar me “procedurë të hapur”, çka lë vend për abuzime, pasi këto lloj procedurash kanë ta paracaktuar edhe fituesin, ndërsa vlera mbetet po aq e lartë edhe nëse shërbimi nuk kryhet 100%. Këtu fillon edhe saga e shkeljeve, pasi është shpallur fituesi i tenderit, pa u zhvilluar një garë fiktive.
Në dokumente thuhet që ka paraqitur ofertë vetëm një kompani, “OLSI sh.p.k”, duke u shpallur automakisht fituese, edhe pse këto raste ligji kërkon që tenderi të anulohet për mungesë të konkurrencës. Por, bashkia Korçë e ka shkelur këtë ligj dhe prapë e ka falur këtë tende, tek një kompani e cila ka paraqitur ofertë shumë të shtrenjtë.
Në këtë pikë evidentohet shkelja e dytë ligjore, pasi ligji për prokurimet publike kërkon që të merret parasysh oferta më e lirë, ndërsa “OLSI shpk” ka paraqitur ofertën me vlerë 6 485 260,00 lekë, pra gati 99% sa fondi limit. Ky tender është mbyllur në shkurt dhe ende nga institucionet asnjë reagim dhe më e keqja, në Korçë nuk shihet asnjë investim tek ujësjellësi, ndërsa kompania fituese e ka të garantuar pagesën deri në fund të këtij viti. /Gijotina.com/
Discussion about this post