Gjatë prime-t të së shtunës një koment i opinionistit të programit “Për’puthen Prime”, Arjan Konomit, ka shkaktuar shumë debate dhe situata të paqëndrueshme.

Të shtunën, Mevlani njoftoi Efin se do të ndërpresë takimet me të, ndërsa konkurrentja ia ktheu duke i thënë se është frikacak.

Opinionisti Arjan Konomi kritikoi Efin dhe mbrojti Mevlanin. Debati vazhdoi dhe sot.

“Nuk më ka lënduar Mevlani siç më ke lënduar ti”, i tha Efit opinionistit.

Mikela po ashtu debatoi me Arjan Konomin. Një koment i opinionistit ku i drejtohet Efit dhe e quan k*rvë, bëri që të ndërpritet programi dhe ai të marrë një periudhë pushimi nga “Për’puthen”.

Moderatorja e  programit, Bora Zemani ka një marrëdhënie shumë të afërt me opinionistin, me të cilin  është shfaqur shumë afër, por mesa duket dhe Konomi, po e “braktis”.

Kujtojmë që gjatë puntatave të javës së shkuar, Mevlani filloi ta akuzonte për gjëra të ndryshme Efin.

Pjesë nga biseda në PRIME:

Efi: Shoh një djalë të interesuar për mua dhe mërzitet për çdo gjë. Nuk dua të kapesh se çfarë kam thënë tek dikush tjetër. Nëse nuk të pëlqen sjellja ime, është e drejta jote të marrësh vendim. Mevlani e di që ka qenë si fëmijë i llastuar që pëlqen t’i shkosh nga mbrapa. Vëmendjen më të madhe ty ta kam dhënë.

Mevlani: : Momentin që shoh dhe kur erdhi Samiu, menjëherë e ke thirr në takim dhe e ke thënë shpesh që nëse të tjerët nuk më mbushin, kam hapësirë për të dalë me të tjerë.

Efi: Nuk ndodhi çfokusimi me ardhjen e Samiut, por me veprimet e çdokujt. Unë nuk jam princeshë, nëse ky është mendimi yt më vjen keq. Në momentin që isha më tepër tek ty dhe Bledi, ka disa gjëra që nuk më kanë pëlqyer. Nuk e dija që Samiu do kthehej. E kam cekur dhe në emision se më ka marrë malli.

Mevlani: : Domethënë nuk je takuar e nuk ke folur asnjëherë?

Efi: Jo.

Mevlani: Ndaç të dhembi, ndaç mos të dhembi, mendoj që po bën lojë, nuk ke asnjë pëlqim ndaj meje. Për të tjerët nuk më intereson se çfarë ke dhe kjo më ka bërë që njohjen tonë ta ndërpresim këtu. Nuk kam qejf të jepem pas një personi që nuk i intereson për mua.

Efi: Ok ti e di, nuk është e vërtetë. Je frikacak.

Mevlani: Jo nuk jam, po ndryshon shumë strategji. Unë të pëlqej shumë sinqerisht, nuk është lojë, nuk është se pëlqimi më ka ikur por nuk dua ta zgjas se e di që do zhgënjehem nga ty.