Nënkryetarja e LSI-së, Brisida Shehaj, ka komentuar gjatë një interviste televizive krizën ekonomike në të cilën ndodhet vendi yne. Ajo u shpreh se paketa e rezistencës sociale për përballimin e krizës është një mashtrim. Sipas saj, rritja e pagës minimale bëhet thjesht për efekt taksimi dhe të tjerat janë propagandë.
“Doli Kryeministri dhe tha se do harxhojmë 50 për qind më pak naftë, duke përfshirë mua të parin. Këto janë mashtrime sepse është lidhur një kontratë për blerjen e naftë. Ajo kontratë është një angazhim financiar, dhe që të bëhet kjo që tha kryeministri, këta duhet të kishin lidhur ca akte normative dhe dakordësime me kompaninë që të zhbënte atë naftën dhe kontratat që ka porositur për shtetin shqiptar. Ka spekulim të vazhdueshëm. Rritja e pagës minimale është thjesht për efekt taksimi; bizneset nuk iu japin dot atë pagë punonjësve. Kjo do të ketë një kosto. Ne nuk kemi paketë reale”, u shpreh ajo. Ndërsa tha se protestat duhet të vazhdojnë për aq kohë sa ne paguajmë ushqimet më shtrenjt se rajoni.
Discussion about this post